第4冊 第3課　mikehnep 大漲潮

關於島上古時候的大漲潮傳說。

🔊 ipisa so kapiwalam da no mamli so kanen aka no asa aka rarakeh a mavakes am, to da cita o wawa a to miparai a omoyot (mipangci) a. 有一天，一個孕婦和一個老婦人一起聊天，忽然她們看見海水急速地退去。
🔊 maniring o mamli so kanen am, “mi ta pa tomavo so attaw ta, ta ala ya maci o wawa ya” koan na. to zakzak sira omonot do wawa, am ji da apisa. 孕婦說：「我們去取海水吧，看樣子海水可能要乾掉了。」她們快步去追海水，可是都趕不上。
🔊 mazikna o mamli so kanen am, to rana miwalam a, to na cita o attaw a omvoyog do teyrahem no ahan a, kapanci na no kararay na omvaliked sia. 孕婦追累了就停下來休息，忽然看見白石頭底下有水流出來，於是叫同伴一起搬開白石頭。
🔊 valikeden da am, to ngalabobo o attaw do teyrahem a, katavo da rana so attaw da; asio do kavavatanen a, o ranom ori am, to rana mamtes a komalabobo a, to sia rana malalayo a mangay do ili a. 她們一搬開，底下的海水立刻湧出，然後取了海水；因為是天意，那水便大量湧出，她們開始用跑的回村莊。
🔊 ji ngahay a miparako o wawa, miratateng am, to na rana ngaopa sira o mamli so kanen a, to ngangato o wawa ori am, to rana ngay do kahangoan am, do kasolian am, to sia rana mikakalakalat o tao a tomanang do makakarang a tokon a. 海水迅速漲起，後來淹沒了孕婦二人；海水繼續上漲，淹沒了林投樹區與芋田區，人們紛紛爬往高山避難。
🔊 meyenaen o wawa am, do Jipeygangen rana aka do Jiciakateleman rana a tokon o nitomoaw a, kato na rana atazangposan no pongso ya nimehnep a; ikasiam na a kawan am, ori rana o nitazetazestes na omavak a, kangay na rana maneyked do adan a paneyneykedan na. 海水漲停後，除了 Jipeygangen 山與 Jiciakateleman 山的山頭露出外，全島皆被淹沒；直到第九年，海水才開始慢慢退回原位。
🔊 mitametamek rana o pongso ta ya am, aciacilban na no tao do to am, maniring do raroa aka apo na am, “teywara pa o rako a karatayan ito, am makey kamo a pakasen ko” koan na. 島上長出草後，天上的人看見我們的島，就對他兩個孫子說：「那塊大平原真美，你們願意下凡嗎？」
🔊 ”imo saon am” koan na no apo na, miratateng am, mangap so asa aka kawalan a kapakovot na so asa aka apo na, kapangap na so asa aka vato a, kapakovot na so asa aka apo na. 他的孫子說：「一切都由你。」於是他拿了竹子裝入一個孫子，又拿石頭裝入另一個孫子。
🔊 pakasen na sira am, asio do masagpaw o vato a, kato na ngosokan a makas do avak na Jipaptok; o kawalan am, mapapaw a, kato na par’isan sia no sinazowsaw no angit a, kasasnad na do karatayan do ranom. 他將竹子和石頭一起丟下，石頭較重直落到 Jipaptok 山中央；竹子較輕，隨天上的氣流飄到平地水邊。
🔊 makas o vato do teyrahem am, to misisi a kapakowbot no kanakan, milingalingay am, “ikong o ko nikapoan ya” koan na am, mi na oliin o vato ori a kapinan na jia; “asio ya maciglang ya; wajin sira ina ya?” koan na am, akmi to miningeninget a, macita no akay na do to am, to mikeykam’ing a, “na kalaen sira ina na ya an? am asio o niapoan na?” koan na. 石頭落地後裂開，跑出一個小孩；他四處張望說：「我從哪來的？」又摸石頭：「怎麼這麼硬？我父母呢？」快哭的模樣讓天上的祖父大笑：「他在找爸媽嗎？但他哪有雙親啊！」
🔊 mehtak o kawalan am, to pa miyoyowyaw do karatayan ori, ta o akay da o mapisinmo sira; mosok rana o nimehtak do vato ori am, masazi na rana o nimapo do kawalan, am ori rana o nipieyheza da miyoyowyaw a. 竹子落地後迸出另一個小孩，他四處走走；那是祖父安排讓他們會合，於是石頭人下山遇見竹人，兩人就一起玩耍起來。

本課文法解析｜mikehnep 大漲潮

（一）時間詞 ipisa so ka-…「有一次」

故事常以「有一天／有一次」開場，結構為 ipisa「一次」＋ 斜格 so ＋ 名物化前綴 ka-。例（1）中 a ka 出現兩次：第一次作「和」、第二次作數量單位。

1. ipisa so kapiwalam da no mamli so kanen a ka no asa a ka rarakeh a mavakes am,
有一天，一個孕婦和一個老婦人一起聊天。

（二）ka-「同伴」

ka- 除了常見功能，亦表「同伴」。例（2）中「叫同伴一起翻開白石頭」。

2. mazikna o mamli so kanen am, to rana miwalam a, to na acita o attaw a omvoyog do teyrahem no ahan a, kapanci na no kararay na omvaliked sia.
孕婦追累了就休息，忽然看見白石頭底下有水流出，於是叫同伴一起搬開白石頭。

（三）名詞 ka-…-an（大片區域）

本課多個 ka-…-an 名詞表示「某區域」：例（3）ka-ango-an「林投樹一帶」、ka-soli-an「芋田區」；例（4）ka-ratay-an「大平原」。

3. to ngangato o wawa am, to rana ngay do kaangoan am, do kasolian a,
海水繼續漲起，淹沒林投樹一帶，進而淹沒芋田區。
4. teywara pa o rako a karatayan ito!
那個大平原實在太讚了！

（四）mika-「紛紛」

mika- 表「紛紛地…」，之後語根需重疊。例（5）mika-kala-kalat「紛紛爬上」。

5. to sia rana mika-kalakalat o tao a tomanang do makakarang a tokon a.
人們紛紛爬往較高的山上去。

（五）名詞乎？動詞乎？（由代名詞位置判別）

達悟語中名詞／動詞界線不總是清楚，可從代名詞位置與時貌變化觀察：動詞性強者代名詞會因時態移位；名詞性強者代名詞多留後位。例（6）kalaen「找」動詞性最強；niapoan「父母」名詞性最強；例（7）nikapoan「從…來的」介於兩者間。

6. “na kalaen sira ina na ya an? am asio o niapoan na?”
「他是在找媽媽和爸爸吧？但是他哪有雙親呢？」
7. “ikong o ko nikapoan ya?”
「我是從什麼地方來的？」

（六）ori o …「因此，這就是…」＋ i-（原因）

ori o … 後常接以 i- 標示「原因」的動詞形，如 ni-piey’eza（ni-i-pi-’eza）、「因此在一起」；ni-taze-tazestes（ni-i-…）「逐漸…了的原因」。

8. am ori rana o ni-piey’eza da miyoyowyaw a.
他們兩個人因此一起到處遊玩去了。
9. ori rana o ni-tazetazestes na omavak a.
因此海水才開始逐漸消退。

學習活動｜mikehnep 大漲潮

（一）角色扮演：大漲潮（前半段）

兩位學生分飾「孕婦」與「老婦人」，其餘同學擔任村人，按照課文情節重演海水急退→搬開白石頭→海水湧出→急跑返村的段落。

（二）角色扮演：石人與竹人（後半段）

三位學生分飾「天上的祖父」與兩位「孫子」，演出丟下石人／竹人、落地誕生、相遇玩耍等情節；可加入地名口訣（Jipaptok、karatayan 等）。

課後練習｜mikehnep 大漲潮

  1. 短劇改編：閱讀〈石人與竹人〉（1995 臺灣省文獻委員會《臺灣原住民史料彙編》第一輯，pp. 19–36），將故事改寫成短劇（含角色表、場景、旁白）。
  2. 300 字傳說寫作：人類始祖來源
    可參考下列素材（可中／達悟語皆可），以自己的敘事口吻寫一篇約 300 字的傳說：
    mitámek o pongso no tao do niavakan na jia no henep am, aciacílban na ni akay ta do to am, “teywára pa o karatayan ito a na kaboan no tao” koan na am, ori o nipakasan na sira do teyrahem so mian do katangked na a raroa ka apo na.
    在大漲潮退去之後，蘭嶼島開始長草，天上的祖父俯瞰後說：「那個沒人居住的大平原太美了」，於是將身邊的兩個孫子放下到島上。

    o asa am, nikozong na do vato a kapakas na sia, kasasnad na do kanavakan na Jipaptok, o asa am, nikozong na do kawalan a kapakas na sia, kasasnad na do karatayan do ranom, miratateng am, misaraw sira, ta o akay da am, ori o mapisinmo sira, kapiyoyóyaw da.
    他把一個裝進石頭後丟下，落在 Jipaptok 半山腰；把另一個裝進竹子後丟下，落在平原水邊。之後他們相遇、一起閒逛，因為祖父的安排。

    ipísa so kapikawalam da am, makateh o otod da, kadkáden da am, to rana mipazábtek a, akma so mavakes, ta asa ngernan o vehavehan na am, miotot o tao do otod da, mehakay do maciawanan da, mavakes do maciaozi da.
    有一天，他們聊天時膝蓋發癢，抓後慢慢腫脹如懷孕；十個月後各自右膝生男、左膝生女。

    aráko rana sira am, to da pisinmoa o macianak da, miának sira am, madaday a mavota pa, do kakaniaw na, ta miketeh pa sira,
    長大後把各自孩子結為夫妻，所生皆失明，因兄妹通婚為禁忌。

    miratateng am, pipaliten da o anak da a mavakes, a mangay do macianak da a mehakay, miának sira am, ori o nikapia na rana no mata no anak da, am ori o nipakateneng da rana do kaji misinmoan no mikakteh, ta marahet, ori o nipiparo rana no tao ya.
    後來互換女孩並與對方的兒子成婚，所生孩子才正常；自此才知兄妹不可通婚，人類因而繁衍。
  3. 十格漫畫＋說明：把本課故事畫成 10 格漫畫，並附一段完整的文字敘述（可標地名、人物、時間順序）。